|
پیشانمنی؛ کیچه نینگ پیشانه سیگه سویب قوییب، قارانقولیگین لبیدن اوپدیم! و ایچتیم سینسیز ثاینه لری! یوقلیغینگدن آغولشگن هوانی، تامیرلریمده آقیزدیریب، زهرلدیم تویغولریمنی! و توشیمده کومیلیب، خیال کوپیکلرینگنی بیرمه بیر، یوقاتدیم اویلریمده. و سونگ، موزدن یسلگن تشکگه چوملیب، تیم تینچ، یومدیم کوزیمنی! اما ینه توشلریم، بویندی تنینینگ رنگیگه! *** یوق! بولمیدی شوندی! یشه آلمیدی بوندی! مین؛ سیویش اوچون یرتیلگنمن. اوزینگنی! یاکی خیالینگنی! بری بیر فرقی یوق! *** میلی اگر؛ کول بولسه هم آرزولریم. میلی اگر؛ اونوتیلسه تویغولریم. سیلینسه هم ایزیم ییردن. میلی اگر، بی فرق بولسه عالم مینگه! میلی اگر؛ قویاش نورینگ، آسمان ایسه یولدوزلرینگ، ییغاچلر هم یپراقلرینگ، سایلر سوینگ، بولوتلر هم یامغیرلرینگ، ایه سه لر میندن ینه؛ سیویش بورچیم تولنمگن! سیویش بورچیم کملمگن! | Peshonamni; Kechaning peshonasiga suyab quyib, Qoronquligin labidan o`pdim! Va ichtim sansiz soniyalari! Yo`qlig`ingdan og`ulashgan havoni, Tomirlarimda oqizdirib, Zaxarladim tuyg`ularimni! Va tushimda ko`milib, Xayol ko`piklarini birmabir, Yuqotdim o`ylarimda. va so`ng, Muzdan yasalgan to`shakga chumalib, Tim tinch, Yumdim ko`zimni! Ammo yana, Tushlarim, Bo`yandi tanining rangiga! *** Yo`q! Bo`lmaydi shunday! Yasholmaydi bunday! Men; Sevish uchun yaratilganman. O`zingni! Yoki xayolingni! Baribir farqi yo`q! *** Mayli agar; Kul bo`lsa xam orzularim. Mayli agar; Unutilsa tuyg`ularim. Silinsa xam izim yerdan. Mayli agar, befarq bo`lsa olam menga! Mayli agar; Quyosh nuring, Osmon esa yulduzlaring, Og`ochlar xam yoproqlaring, Soylar suving, Bulutlar xam yomg`irlaring, Ayasalar mendan yana; Sevish bo`rchim to`lanmagan! Sevish bo`rchim kamalmagan! |
توشلریمنی چین قیلیش اوچون، قنچه دهشتلی کیچه لرنی یشش کیره ک؟ و نفس آلیش اوچون، نیچه بار اولیش کیره ک؟! نیمه گه؛ برچه آله دیگن نرسه لریمگه، بیراو نیرسه بیریشیم کیره ک؟ نیمه گه؛ یشش اوچون اولیشیم کیره ک؟ *** کون باشلنگنیده؛ قویاشنی یوقاتدیم کفتیمده. و ینه؛ محزون کیچه لرده، امید یولدوزلری سیرپنینچه بیرمه بیر، کوز یاشلری ایکتیم آسمانگه! قسمتیم، تقدیریم ایکن! و تقدیریم، مین قاچه آله دیگن قدر یقین مینگه! پیشانمگه، یازیلگن شو؛ قولگه قوللیک قیلینگن یورتده، ارزیمگن بیر قول بولیب یشش! *** کوزنینگ باشلنیشی، موزلتماقده تنیمنی. ویلنغیچلشماقده کیچکینه بوته لر. و امیدلریمگه، قار یاغه یاتگنده، حرارتیمنی بیریب، موزلب، کول رنگیگه بورینر کونلریم! | Tushlarimni chin qilish uchun; Qancha daxshatli kechalarni yashash kerak?! Va nafas olish uchun, Nechi bor o`lish kirak?! Nimaga; Barcha oladigan narsalarimga, Birov narsa berishim kerak? Nimaga; Yashash uchun, o`lishim kerak? *** Kun boshlanganida; Quyoshni yuqotdim kaftimda. Va yana; Maxzun kechalarda, Umid yulduzlari sirpanincha birmabir, Ko`z yoshlari ektim osmonga! Qismatim, Taqdirim ekan! Va taqdirim, Men qochaoladigan qadar Yaqin menga! Peshonamga yozilgan shu; Qulga qullik qilingan yurtda, Arzimagan bir qul bo`lib yashash! *** Kuzning boshlanishi, Muzlatmoqda tanimni. Va yalang`ichlashmoqda Kichkina butalar. Va umidlarimga, Qor yog`ayotganda, Haroratimni berib, Muzlab, Kul rangiga burinar kunlarim! |
کوزگو! ایت چی؛ سین هم چرچدینگ می؟ زیریکدینگمی؟! مونچه ییل، کیتمه کیت، قاره ساچلرنینگ آقگه بوینیشینگ کوریب؟ کوزگو! ایت چی؛ نیمه گه ، کوزینگ کوزیمگه تیکیلگنده، اوچر لبینگده کولگو؟! کوزگو! اوکسیمه افسوسلنیب. بلند تاغنینگ باشیده قار ایلنر! کوزنینگ آرتی قیش بولسه هم، قیشنینگ کیتیدن کوکلم بهار کیلر. و کون کیلر، بهارنینگ ایلیق شماللری، ایریتر تاغ باشیگه ایلنگن قارلری! و ایککه لمیز، چاغله گن سای بولیب، آقرمیز ! بلکی هم، بیرلشیب بیر یول ایریمیده، آقرمیز سونی کوتگن توپراقگه. و مینگلب لاله گوللری اوسیب ایتگینگده، اوپر پایینگنی. و بیز، لاله گوللرنینگ بغریده، ابدی بولیب؛ ابدی یشرمیز! | Kuzgu! Aytchi; Sen xam charchadingmi? Zerikdingmi?! Muncha yil, Ketmaket, Qora sochlarning oqga buyanishing ko`rib? Kuzgu! Aytchi; Nimaga, Ko`zing ko`zimga tikilganda, O`char labingda kulgu?! Kuzgu! O`ksima Afsuslanib. Balant tog`ning boshida Qor aylanar! Kuzning orti qish bo`lsa xam, Qishning ketidan ko`klam baxor kelar. Va kun kelar, Baxorning shamollari, Eritar Tog` boshiga aylangan qorlari! Va Ikkalamiz, Chog`lagan soy bo`lib, Oqarmiz! Balki xam, Birlashib bir yo`l ayrimida, Oqarmiz suvni kutgan to`proqga. Va minglab lola gullari o`sib itagingda, O`par poyingni. Va biz, Lola gullarning bag`rida, Abadiy bo`lib; Abadiy yasharmiz! |
